ИТФ: Горазд Србљак го предаде мечот на турнирот во Загреб
Македонскиот тенисер Горазд Србљак го предаде мечот од првото коло на ИТФ фјучрсот М15 Загреб во Хрватска против седмиот носител Никита Маштаков од Украина.
Препорачано
-
1
-
2
-
3
Во моментот на прекин резултатот беше 1:1 во сетови и по пет одиграни гемови 4:1 во гемови за противникот.
Србљак го доби првиот сет со 6:4 во гемови, иако противникот почна со водство од 2:0, но македонскиот тенисер направи пресврт и поведе со 4:2 и предноста ја имаше и накрајот на првиот сет.
Во вториот сет под 2:1 за Србљак, Маштаков дојде до предност од 4:2 и успеа да израмни на 1-1 во сетови.
Во решавачкиот сет во четвртиот гем Маштаков направи брејк и поведе со 3:1 во гемови, а по завршувањето на следниот гем Србљак поради повреда го предаде мечот. Во моментот на прекин мечот траеше два часа и 45 минути.
Во четврток, во второто коло Калин Ивановски на истиот турнир ќе игра против вториот носител Душан Обрадовиќ од Србија.
