Иако се најавуваше дека денеска фудбалските клубови во Италија ќе започнат и со групни тренинзи, тоа не се случи.

И натаму нема финален договор околу применувањето на владините мерки поврзани за борбата против коронавирусот, па засега е одложен почетокот на групните тренинзи.

Владината техничко-здравствена комисија сеуште не ги потврди правилата кои мораат да се почитуваат, иако тие наводно биле договорени уште во текот на минатата недела.

Најголемиот проблем претставува барањето на оваа комисија, доколку се потврди само еден случај на позитивен тест кај еден играч, веднаш целата екипа ќе мора да биде во карантин, додека клубовите дека самоизолацијата би била доволна. Воедно екипите најавија и штрајк.

Затоа поголем број од клубовите одлучија да продолжат со индивидуалните тренинзи во помали групи.

Серија А, како што претходно беше најавено, би требало да продолжи на 13 јуни, но и натаму нема „зелено светло“ од тамошната Влада.