Малиот италијански остров Пантелерија планира да го преименува својот аеродром во чест на покојната модна икона Џорџо Армани. Познат по својот префинет минимализам и безвременска елеганција, Армани често ги поминувал летата на својот имот на островот, пишува „Фешн нетворк“.

Армани, кој почина претходно овој месец на 91-годишна возраст, поседуваше голем имот на островот, кој се наоѓа помеѓу Сицилија и Тунис во Медитеранот. Тој го користеше како одмор со семејството и пријателите за време на неговите ретки паузи од работа во август. Неговиот дом се состоеше од седум „дамуси“ – традиционални рурални згради направени од бел лава камен со куполни покриви – опкружени со повеќе од 150 палми.

Италијанската служба за цивилно воздухопловство ENAC во среда соопшти дека го поддржува предлогот, кој го иницираше локалниот совет, а доби и поддршка од министерот за транспорт Матео Салвини.

Претседателот на ENAC, Пјерлуиџи ди Палма, изјави дека преименувањето е во согласност со плановите на организацијата за подобрување на аеродромот и зголемување на туризмот во Пантелерија, до кој може да се стигне преку летови од Рим или од сицилијанските аеродроми, вклучувајќи го и Палермо.

Животната приказна на Џорџо Армани: Човекот кој едноставноста ја претвори во елеганција

Кој ќе го наследи богатството на Армани од 12 милијарди долари?