Oд вчера се познати и полуфиналните двојки за Европското првенство Германија, а во нив Холандија ќе се соочи со Англија и Шпанија ќе ги одмери силите со Франција.

Првото полуфианле се игра во вторник, а второто во среда, двете средби се во терминот од 21:00 часот. На Европските првенства нема натпревар за трето место, па така до крајот ќе остане само уште финалето в недела (14. јули).

Првенството во Германија одлично започна, се постигнуваа многу голови, но како што одминуваше времето ги имаше се помалку. Така во нокаут фазата најчесто гледавме натпревари без многу шанси.

Разочаран од фудбалот кој се игра во Германија е и италијанскиот новинар Карло Гарганезе, кој го се занимава најмногу со англискиот и европскиот фудбал. Во своето обраќање тој порача дека го гледа најлошото првенство во неговиот живот.

„Ова е Европско првенство има најлош квалитет од сите Европски и Светски првенства досега во мојот живот. Сите големи тимови, освен Шпанија и Германија беа невидливи. Каде се супер-ѕвездите, напаѓачите, дриблерите? Фудбалот е во огромен пад во последните 20 години. Фудбалерите (роботите) работат најмногу на физички подготовки и тоа е тоа“, порача Гарганезе.

Ваквиот заклучок на Гарганезе веројатно е и исправен затоа шт одосега не видовме скоро ништо од оние од кои се очекуваше најмногу на турнирот во Германија. Посебно може да се истакне начинот на кој Англија и Франција стигнаа до полуфиналето.