Италијанската полиција разби голема мрежа на препродавачи на заштитни маски и средства за дезинфекција, кои на тие производи сакале да остварат брза и голема заработувачка, а властите започнаа да ги санкционираат и прекршувачите на мерките за забрана на движење и јавни собири.

За време на претресот кој полицијата го изврши во вторникот во просториите на триесет компании во дваесетина општини во околината на Бари, запленети се заштитни маски, гел за дезинфецкија и влажни марамчиња во вредност од од околу 220.000 евра.

Мрежата планирала да ја искористи епидемијата на коронавирусот во која во Италија се заразени повеќе од 10.000 луѓе, а починаа повеќе од 600.

Челниците на компаниите во кои е извршен претресот се италијански и кинески државјани.

Надлежните велат дека некои аптеки продавале маски со 6.000 отсто поголема маржа. Купувале маски на големо и „поединечно ги препакувале во провидни вреќички“.

Италијанската влада ги забрани сите патувања кои не се поврзани со работа или поради здравствени причини.

Првите казни се забележани вчера кога полицијата за прекршување на правилата пријави 48 лица кои на Сицилија учествувале на погреб, прекршувајќи ги така владините наредби за сузбивање на епидемијата.