Италијанската банка „Уникредит“ ненадејно објави дека го зголемила учеството во германската банка на 21 отсто. Претходно ова учество изнесуваше 9,2 отсто. Вредноста на акциите на „Комерцбанка“ се зголеми за 0,6 отсто при купувањето на акциите на „Уникредит“. Таа вредност е намалена за 6,2 отсто откако германската влада објави дека ја прекинува продажбата на акциите на банките.

Втората по големина италијанска финансиска компанија со само еден потег стана најголем акционер во банката, а дотогаш тоа беше Владата, која моментално поседува 12 отсто од акциите. Шефот на „Уникредит“, Андреа Орсел изјави дека не бараат „непријателско“ преземање на „Комерцбанк“. Во исто време, Италијанците продолжија да работат на зголемување на нивниот удел. Имено, тие обезбедија пристап до уште 11,5 отсто од акциите, што веројатно значи можност за купување акции.

Оваа акција на „Уникредит“ ги изненади „Комерцбанк“ и федералната влада бидејќи покрај 4,49 отсто од акциите во сопственост на државата, купија и повеќе акции, без претходно Италијанците да достават извештај за откуп на три отсто од акциите, објави Кликс.ба. Италијанската банка поднесе барање за зголемување на учеството на 29,9 отсто, но во моментов тешко дека тоа ќе биде одобрено.

Од „Комерцбанк“ одбија да ги коментираат активностите на италијанската банка и веројатно раководството на банката го доживува како непријателски активности. Британскиот весник „Фајненшл тајмс“, повикувајќи се на неименувани директори на банки, објави дека „Комерцбанк“ верува дека спојувањето со „Уникредит“ може да биде закана за компаниите низ Европа.

Имено, постои страв дека одлуките за кредитирање и управување со ризикот би можеле да се носат надвор од Германија, што би можело да ги загрози домашните клиенти. „Уникредит“ го негира ова тврдење, повикувајќи се на нејзината германска филијала „ХипоВереинсбанк“, чии секојдневни одлуки се носат во Германија, а не во Милано.