Италијанците се богови за тесто, го имаат најдобриот рецепт за фокача
Фокача е италијански рамен леб сличен на нашата погача. Се пече на традиционален начин во рерна, но се разликува по тоа што одозгора е украсена со зачински билки и зеленчук.
Препорачано
Меѓутоа, тестото за фокача задолжително содржи маслиново масло. Ароматичните билки како рузмарин, оригано, мајчина душица, заедно со додатоците како што се кромид, маслинки, чери домати, пиперки, но и сирење или нешто месесто, освен за декорација, служат и за подобрување на вкусот.
Тајната на добрата фокача лежи во приготвувањето добро тесто. А кој го прави тоа подобро од Италијанците? Никој. За да може фокачата да исполни задоволителни услови, треба да биде крцкава однадвор, а воздушна однатре.
Лебот треба да биде што потенок и да се пече во тркалезна или правоаголна тепсија, како погача.
Состојки:
За тестото:
– 450 г брашно
– 350 мл топла вода
– лажичка шеќер
– свеж квасец, половина пакување од 25 г
– половина лажичка сол
– 50 мл маслиново масло
За преливот и украсувањето:
– гранче свеж рузмарин
– 2-3 чешниња лук
– маслиново масло
– крупна морска сол
Подготовка:
Квасецот издробете го во топла вода и додајте го шеќерот, оставете да отстои 15 минути за да може квасецот да се активира. Посолете го брашното, па квасецот, непрекинато мешајќи додека не се добие фино, меко тесто.
На крајот, додајте маслиново масло и продолжете со мешањето. Тестото покријте го со фолија или кујнска крпа и оставете го да отстои половина час на собна температура, да се удвои во големина.
Потоа, замесете тесто со мал додаток на брашно. Тестото ставете го во подмачкана тепсија (маслиново масло), расукајте го во тенка погача и уште еднаш оставете го покриеното тесто да отстои половина час, а потоа со врвовите на прстите направете вдлабнатини во кои можете да ставите маслинки, чери, сушени домати.
Печете на умерена температура од 200 степени околу 15 минути, во претходно загреана рерна.
Исечкајте свеж рузмарин (може и сушен, босилек, власец, мајчина душица), лукот измешајте го со маслиново масло, намачкајте ја топлата фокача и посолете со крупна сол.
Многу едноставно, а вкусно.
