Италијанскиот министер за одбрана Гвидо Крозето изјави вечерва дека верува оти одлуката на Меѓународниот кривичен суд (МКС) да издаде налози за апсење на израелскиот премиер и министер за одбрана Бенјамин Нетанјаху и Јоав Галант е погрешна, но рече дека и покрај тоа, тие ќе бидат уапсени ако дојдат во Италија бидејќи „Италија го почитува меѓународното право“.

„Мислам дека донесоа одлука со која ги ставија израелскиот премиер и министерот за одбрана на исто ниво со оние кои го организираа и водеа нападот што доведе до масакр и киднапирање на луѓе во Израел, поради што започна војната. Тоа се две сосема различни работи“ рече тој.

Претходно денеска МКС објави дека е издаден налог за апсење по Нетанјаху, Галант и лидерот на Хамас Ибрахим Ал Масри под обвинение за воени злосторства и злосторства против човештвото за време на конфликтот во Газа.

МКС додаде дека овие налози за апсење „се во интерес на жртвите и нивните семејства“, како и дека постојат „основи за сомневање“ да се верува дека тие „ги превиделе нападите врз цивилното население во Појасот Газа“.

Израел, како и САД, не е член на МКС, но Светскиот суд рече дека израелското прифаќање на неговата јурисдикција не е неопходно.