Во голема операција на италијанските карабинери спроведена по наредба на Обвинителството против мафијата (DDA) од Реџо ди Калабрија, уапсени се 97 осомничени лица.

Акцијата се спроведува во областа на Реџо ди Калабрија, но и во други градови низ Италија, а се апсат некои од најважните кланови на мафијата „Ндрангета“, објави Анса.

Осомничените се обвинети за разни кривични дела, вклучувајќи членство во мафијашка организација, помагање на мафијата, здружување за меѓународна трговија со дрога, поседување и продажба на наркотици, изнуда, киднапирање за изнуда, мафијашко политичко договарање на избори, како и поседување и носење оружје.