Фудбалската федерација на Македонија е казнета од УЕФА, поради исвиркувањето на химната на Бугарија за време на натпреварот од 6. коло во Лигата на нации којшто се одигра во Скопје.

Европската куќа на фудбалот изрече казна за Македонија од 10.000 евра за исвиркување на химната, како и дополнителни 4.500 евра поради фрлање на предмети на теренот.

Тодор Тодороски, кој доби црвен картон на тој натпревар, е суспендиран на една средба.

Натпреварот заврши со победа на Бугарија од 0-1, со што Бугарите се пласираа на втората позиција, оставајќи ја Македонија на третото место во групата во Лигата на нации.