Македонскиот тенисер Калин Ивановски се искачи за 69 позиции на АТП-листата и дојде до 541-то место, што е неговиот најдобар ранкинг кариерата.

Ивановски пред осум дена го освои својот трет пехар во кариерата откако триумфираше на фјучерсот во Мадрид, па ден потоа напредуваше за 17 позиции, а сега има нов огромен напредок за уште 69 места после само една недела од претходното рангирање.

На листата прв е тинејџерската ѕвезда Карлос Алкараз, пред Рафаел Надал, па следуваат Каспер Рус, Стефанос Циципас, Новак Ѓоковиќ.

Инаку Ивановски во минатата недела настапи и на фјучерсот во словачка Трнава, но експресно беше елиминиран.