Во Србија, во населбата Топола кај индустриската зона во Панчево, синоќа околу 22.45 часот од резервоар истекол амонијак, а 10 лица со полесни повреди се пренесени во Панчевската општа болница.

Две лица примаат терапија со кислород. Останатите имале поблаги проблеми со горните дишни органи, пренесува „Нова.рс“.

Полицијата и пожарникарите ги евакуираа сите граѓани кои живеат во близина на местото на настанот. Резервоарот бил паркиран до пругите во сопственост на фирмата Азотаре Панчево.

Интервенцијата на полицијата и пожарникарите е завршена, а пожарникарите се уште дежураат на местото на настанот.