Како што досега и најавуваше, тоа денеска доби и потврда од лондонските „сини“ кои го промовираа своето ново летно засилување. Нов играч на Челси е Бен Чилвел кој потпиша договор на пет години. 23-годишниот англиски репрезентативец игра на позицијата лев бек.

– Задоволен што ќе бидам дел од Челси во овој возбудлив период за клубот. Едвај чекам да бидам дел од овој млад, динамичен состав предводен од Френк Лампард. Се надевам дека наскоро ќе играме и пред навивачи на „Стемфорд бриџ“ – рече Чилвел чиј трансфер според британскиот „Скај“ вреди 50 милиони фунти.

Од 2015 година беше дел од Лестер (над 120 натпревари), воедно беше и на позајмица во Хадерсфилд таун. Овој трансфер најверојатно значи и заминување на Емерсон, а можеби дури и на Маркос Алонсо.

Така, исполнета е уште една голема желба на Лампард кој пред стартот на новата сезона беа ангажирани уште Хаким Зијеш (Ајакс) за 40 милиони евра и за 53 милиони Тимо Вернер од Лајпциг.

Се најавуваат уште две звучни имиња во Челси, Каи Хаверц од Баер Леверкузен кој се очекува да дојде за 100 милиони евра, како и европскиот вицешампион Тијаго Силва од редовите на ПСЖ.