Репрезентативецот на Макединија, Исник Алими ќе помине пат од 30 часа за да се приклучи на националниот тим во квалификациите за Светското првенство.

Алими е член на кинескиот Далиан и за да биде дел од репрезентацијата за дуелите со Лихтенштајн и Велс го чека долг пат.

„Благодарам за поддршката. Ме чека долг пат, можеби повеќе од 30 часа лет, но јас ќе бидам таму и ќе го дадам максимумот за Македонија на натпреварите против Лихтенштајн и Велс“, објави Алими на социјалните мрежи.

Неговото присуство во националниот тим секако е важно затоа што тој беше и еден од најдобрите фудбалери во претходниот собир за натпреварите во Лигата на нации.

Македонија на 22 март ќе гостува кај Лихтенштајн, додека три дена подоцна ќе се соочиме со Велс во Скопје на арената „Тодор Проески“.