Со тесно мнозинство од само два гласа, денеска за нов шеф на Обвинителството за гонење на организиран криминал и корупција е избран Ислам Абази, кој досега беше шеф на вишото обвинителство во Гостивар, неофицијално дознава ,Фокус”.

Според информациите на „Фокус” тој добил повеќе гласови од скопскиот обвинител Ермон Незири – Абази освоил 66, а Незири 64 гласа од обвинителите од целата држава, кои првпат бираа шеф на едно обвинителство на овој начин. Право на глас имаа 163 обвинители од државата.

Во трката учествуваа и обвинителката Деса Пауновска, како и суспендираната досегашна шефица обвинителството кое треба да го сузбива организираниот криминал и корупцијата во земјава, Вилма Русковска.