За многумина пролетта е најубав годишен период, но претставува и кошмар за многу лица што се осетливи и имаат алергија на полен. Според статистички податоци, се смета дека овој тип алергија и во иднина ќе бележи пораст поради следниве фактори.

Климатски промени: Промените во климатските модели, вклучително и зголемувањето на температурите и променетите обрасци на врнежи, може да влијаат врз однесувањето на растенијата. Зголемени температури може да доведат до продолжени сезони на растење и зголемено производство на полен, потенцијално изложувајќи ги лицата на повисоки концентрации на полен подолго време.

Зголемени нивоа на јаглерод диоксид: Зголемените концентрации на јаглерод диоксид (CO2) во атмосферата, поврзани со климатските промени, може да го стимулираат растот на растенијата и производството на полен. Ова може да резултира со повисоки нивоа на полен во воздухот.

Урбанизација: Урбаните средини со високи нивоа на загадување и ограничени зелени површини може да придонесат за промени во составот на растенијата. Некои растенија приспособени на урбаните средини може да бидат поалергени, што доведува до зголемена алергија на полен кај жителите на градовите.

Променета дистрибуција на растенијата: Промените во климата и почвата може да влијаат врз дистрибуцијата на растителните видови. Тоа значи дека одредени растенија што произведуваат високи нивоа на полен може да се прошират во нови области, изложувајќи ги претходно незасегнатите популации на алергени.

Генетски промени во растенијата: Некои студии сугерираат дека зголеменото ниво на јаглерод диоксид во атмосферата може да доведе до генетски промени кај растенијата и потенцијално да влијае врз нивната алергеност.

Хибридизација на растенијата: Човечките активности и променливите услови на животната средина може да ја поттикнат хибридизацијата на растителните видови. Добиените хибриди може да имаат различни алергени својства од нивните матични растенија.

Зголемена чувствителност: Промените во функцијата на имунолошкиот систем или зголемената чувствителност на алергени поради фактори како што се загадувањето, стресот или изложеноста во почетокот на животот може да придонесат за поголема преваленција на алергии на полен.

Променета алергеност: Климатските промени и факторите на животната средина може да влијаат на алергеноста на поленот. Ова може да резултира со полен кој е посилен и предизвикува посилни алергиски реакции.

Глобализација и движење на растенијата: Движењето на растенијата преку границите, без разлика дали е намерно или ненамерно, може да внесе нови видови на алергени во региони каде што претходно не биле присутни.

Дистрибуција на полен

Причина за овие алергии се зрната полен што ги шират растенијата. Вообичаени извори на полен вклучуваат трева, дрвја, плевел, спори и мувла.

Трева – Наведени се латинските именувања бидејќи народните имиња варираат и се препознатливи само во регионите како такви.

Најчести предизвикувачи на поленски алергии од тревите се:

Phleum pratense – Вообичаено поленската концентрација од оваа трева почнува во мај, често достигнувајќи врв во јуни и се протега до крајот на јули.
Poa pratensis – Периодот на цветање е од мај до јули.
Lolium perenne – Период на поленска експанзија од март до јуни.
Festuca pratensis – Периодот на поленска изложеност е од мај до јуни.
Cynodon dactylon – Во текот на доцните пролетни до раните есенски месеци.
Eremochloa ophiuroides – Од доцна пролет до рана есен.
Lolium perenne (‘рж) – Од април до јуни.

Дрвја – Најчестите дрвја за кои е познато дека предизвикуваат алергија на полен се бреза, даб и кедар. Периодот на опрашување на овие дрвја е во текот на пролетната сезона.
Најголем проблем е да се утврди вистинскиот период на појава на полен од односниот растителен агенс, бидејќи за истиот алерген концентрацијата може да варира од година во година, што зависи од различна географска положба, од различна земја каде расте растението и многу други микро фактори. Растот на количината на полен варира од моменталните фактори, како што се температура, влага, години на старост на растението, изложеност на сонце и други фактори.

Од горенаведеното сметам дека најдобро е да се советува лицето кое има проблем со алергија со локалните експерти, локалните жители за даден регион за поблиску да се запознае со периодот на цветање на растението во дадениот регион чиј полен прави алергија.

Количина на полен

Количината на полен претставува присутна концентрација на полен во воздухот на дадено место која се пресметува во период од 24 часа како број на зрна полен на квадратен метар воздух. Врз основа на оваа пресметка, бројот на полен е поделен на висок, среден, низок или отсутен.
Бројот на полен влијае врз симптомите на алергија на полен. Нискиот број на полен не влијае на премногу луѓе (освен оние кои се многу чувствителни), додека средна до висока бројка може да предизвика алергиски симптоми.

Механизмот на алергија на полен

Кога алергенот (како полен) ќе влезе во телото на лице со чувствителен имунолошки систем, тој предизвикува производство на антитела за борба против туѓите честички.
Клетките ослободуваат хистамин, како одговор на појавените туѓи тела. Ослободеното големо количество хистамин предизвикува чешање, отекување на погодените ткива, производство на слуз, грчеви во мускулите и други симптоми на алергија.

Спречување алергија на полен

Спречувањето на изложеност на алергени е најдобриот начин за справување со алергиите на полен, особено за време на сезоните со висока алергија. Некои мерки кои можат да помогнат во спречување и справување со алергија на полен вклучуваат:

Бидете однапред информирани за периодот на најголемо количество полен во вашиот регион. Оние што се исклучително склони кон развој на алергиска реакција треба да бидат внимателни дури и при ниско ниво на полен.

Запознајте ги вашите алергени – Направете секогаш испитување и советувајте се со вашиот алерголог за самите алергени.

Кога бројот на полен е голем, најдобро е да останете внатре во климатизирана средина со затворени прозорци.

Ако планирате да бидете на отворено додека е сезоната на алергии, обидете се да бидете на отворено кога бројот на полен е ниско. Обично, растенијата опрашуваат од 5 до 9 часот наутро, па затоа треба да се избегнуваат активности на отворено рано наутро. Шетањето куче во овие часови исто така не се препорачува бидејќи животните можат да го заробат полен на нивното крзно, што потоа може да предизвика реакција иако не сте надвор. Во ветровитите денови, исто така количината на полен е поголема.

Употребата на маски со заштитен филтер е добар начин да се спречи изложеност на алергени.

Поленовите зрна можат да ве следат во куќата преку облеката, косата и домашните миленици. Се препорачува да се пресоблечете и да се туширате веднаш по враќањето дома.

Треба да се користат очила за сонце за да се заштитат очите од контакт со поленот. Очите иритирани од алергии се исто така почувствителни на светлина, така што очилата за сонце помагаат да се спречи понатамошното изложување.

Собните растенија исто може да предизвикаат алергии. Тоа може да се разни украсни треви, грмушки и дрвја.

Освен алергените, неопходно е да се контролираат и надразнувачите што ги влошуваат симптомите. Димот од цигари и опожарени дрва, силни мириси од дезодоранси и парфеми, бои, средства за дезинфекција се сметаат за дополнителни надразнувачи.

Алергиите на полен треба да се третираат навремено, особено во акутни случаи. Онаму каде што е потребно, треба да се земаат антихистаминици за да се контролира сериозното алергиско избувнување. Сепак, прекумерната употреба на конвенционалните лекови како деконгестивните спрејови може да предизвика дополнителни проблеми и треба да се користат многу умерено и контролирано.

Симптоми на алергија на полен

Бидејќи секое растение има свој период на опрашување, симптомите на алергија на полен се активираат кога конкретното растение произведува полен. Лицето кое е алергично на специфичен тип на полен ќе развие алергиски симптоми само кога е изложено на тој конкретен полен. Главните симптоми на алергија на полен вклучуваат:

– Течење на носот
– Кивање
– Затнат нос
– Насолзени, црвени, отечени очи со појава на чешање
– Чешање на грлото
– Кашлица
– Астматична реакција со отежнато дишење и кашлање
– Влошување на синузитис
Еден од понудените начини на лекување на алергиите на полен е хомеопатијата.

Хомеопатски лекови за алергија на полен

Хомеопатските лекови можат ефикасно да третираат акутна алергиска реакција, а исто така добро функционираат и за справување со хроничната тенденција кон алергија на полен. Со употреба на хомеопатски третман, интензитетот и појавата на симптомите постепено се намалуваат со секој напад.

Хомеопатските лекови немаат несакани ефекти, претставуваат природен третман и помагаат да се ублажи хиперактивната реакција на организмот.

Најчесто користени хомеопатски лекови за сезонска алергија на полен

Natrium Muriaticum
Лицето на кое му треба овој хомеопатски лек ги има следниве симптоми: воден исцедок од носот и очите и силно кивање (што е полошо рано наутро). Карактеристичен симптом е наизменично течење на носот со затнат нос. Може да има и скокоткање во грлото заедно со кашлица.

Sabadilla Officinalis
Главната карактеристика што укажува на потребата од овој лек е силното, грчевито кивање, проследено со исцедок од очите, чешање и чувство на скокоткање во носот. Придружно може да се јави и течење на носот со обилен воден исцедок, силна болка во главата во фронталната област и наизменична опструкција на ноздрите.

Allium Cepa
Кивањето со течење на носот и насолзени очи се главните водечки симптоми за употреба на Allium Cepa. Назалните секрети се остри, создаваат чувство на печење, обилни се, со постојано кивање. Кивањето има тенденција да се влошува при влегувањето во топла соба. Присутно е чувството на пецкање, чешање во ноздрите и чешање во грлото. Allium Cepa е индициран и за случаи кога има насилно кивање веднаш по станувањето од креветот.

Euphrasia Officinalis
Исцедокот од очите е обилeн и остaр и се добива чувство на горење во очите. Очите се црвени, се јавува чешање и отекување на капаците. Карактеристичен е воден, обилен исцедок од носот (благи по природа). Во утринските часови може да се појави кашлица и исфрлање на секрет.

Како лицето да се подготви за очекуваната алергија на полен

Во периодот пред појава на алергените пациентот треба свесно да поработи на својот имунитет. Пред себе треба да има задача:

Што може да направам да го подобрам имунитетот?

Балансирана исхрана: консумирајте различно овошје, зеленчук, непреработени житарки, растителни протеини и здрави масти.

Консумирајте витамини и минерали, вклучувајќи витамин Ц, витамин Д, цинк и селен, кои се важни за функцијата на имунолошкиот систем.

Соодветна хидратација:

Пијте многу вода за поддршка на целокупното здравје и имунолошката функција.

Редовно вежбање:

Вклучете се во редовни вежби со умерен интензитет, како што се пешачење, џогирање, јога (посебно со практицирање на техники на дишење) или возење велосипед.

Адекватен сон:

Обидете се да имате 7-9 часа квалитетен сон.
Недостатокот на сон може да ја загрози способноста на имунолошкиот систем да функционира правилно.

Управување со стресот:

Практикувајте техники за намалување на стресот, како што се медитација, длабоко дишење, јога.
Хроничниот стрес може негативно да влијае на имунолошкиот систем.

Правилна хигиена:

Редовно одржувајте ја хигиената на носната слузница. Хигиената може да ја правите со дизајнирано медицинско помагало за нега на носната слузница – rhino horn, кое е достапно во аптеките. Се препорачува постапката да се применувајте наутро и навечер.

Практикувајте добра респираторна хигиена, како што е покривање на устата и носот кога кашлате или кивате.

Умерена консумација на алкохол:

Ограничете го внесот на алкохол, бидејќи прекумерниот алкохол може да го ослаби имунолошкиот систем.

Одржувајте здрава тежина:

Дебелината е поврзана со дисфункција на имунолошкиот систем, па затоа е важно одржувањето на здрава тежина.

Социјални врски:

Изолацијата и осаменоста може да имаат негативни ефекти врз функцијата на имунолошкиот систем.

Хербални додатоци:

Хербалните додатоци, како што се ехинацеа, бозел, одредени видови на печурки и др., го поддржуваат имунолошкиот систем. Сепак, важно е да се консултирате со здравствен работник пред да земете додатоци.

Пробиотици:

Консумирајте храна богата со пробиотици, како што се јогурт и ферментирана храна, за да промовирате здрав цревен микробиом, кој е поврзан со функцијата на имунолошкиот систем.

Ограничете го внесот на шеќер:

Прекумерното консумирање шеќер може да има негативни ефекти врз функцијата на имунолошкиот систем, па затоа е препорачливо да се ограничи внесувањето.

Искра Јаконова Стојановска: Златни правила во хомеопатијата

Искра Јаконова Стојановска: Хомеопатија за нас – холистички пристап