Денес во полицијата беа сослушани 30-тина осомничени за убиството и нередите кои се случија во понеделникот во Атина во кои животот го загуби 29-годишниот, Михалис Кацурис.

Овие 30-тина навивачи се прва група, а во наредните два дена се очекува да бидат сослушани и сите останати. Сите хрватски навивчаи на Динамо Загреб дале идентична изјава во која тврдат дека немаат врска со убиството на навивачот на АЕК.

„Во Атина пристигнавме за да го гледаме натпреварот помеѓу Панатинаикос и Олимпик Марсеј. Немавме влезници за натпреварот помеѓу АЕК и Динамо затоа што УЕФА забрани влез на гостински навивачи. Сакавме да го гледаме тренингот на Динамо и одеднаш се најдовме среде големи нереди. Не бевме заштитени од полицијата која како да беше уплашена од предметите кои летаа кон нас“.

Помеѓу уапсените е и Албанец кој е еден од осмничените за убиството, според неговата изјава тој на местото на несреќта се нашол случајно, а ножот кој бил пронајден кај него му бил потребен за работа бидејќи работел како електричар. Во изјавата тој се понудил и да му бидат земени ДНК отпечатоци за да се докаже дека неговиот нож не бил употребен во убиството на Михалис.

Медиумите ја пренесуваат и изјавата на еден од тројцата осомничени Грци кој тврди дека на местото бил исто така случајно бидејќи сакал да купи мотоцикл од близина на стадионот.

„Немам никаква врска со тоа што се случуваше. Не познавам никого од Хрватите кои дојдоа да убиваат и да уништуваат наш имот. На местото бев затоа шшто одев со вереницата и потенцијалниот партнер да гледаме објекти во близина, сакав и да купам мотоцикл од близина на стадионот. На местото се појавив од радозналост, ме интересираше што се случува. Не носев маска или качулка, па на снимките по мојата големина може лесно да бидам препознаен, не се криев. Полицијата ме повика затоа што имам ресторан во близина на стадионот на Панатинаикос“, изјавил осомничениот Грк.