Заменик-претседателот на Комисијата за спроведување на Уставот (член 90) на иранскиот парламент, Хосеин Али Хаџи Делијани, изјави дека во парламентот е покрената итна постапка за донесување закон со кој Иран целосно ќе се повлече од Заедничкиот сеопфатен план за акција (JCPOA) од 2015 година, познат како Договор за неширење на нуклеарно оружје.

Тој изјави за новинската агенција Тасним дека текстот на законот ќе биде објавен на платформата на парламентот и дека ќе им биде презентиран на пратениците следната недела.

„Овој потег доаѓа како одговор на активирањето на механизмот за враќање на сила од страна на три европски земји – Германија, Франција и Велика Британија.

Делијани тврди дека ова е очекуван потег и дека овие санкции против Иран во суштина веќе се во сила, „и дека оваа најава не е ништо ново“

Тој остро го критикуваше Министерството за надворешни работи на Иран, обвинувајќи ги дека нивните комуникации и преговори со Западот само ги охрабриле спротивставените земји.

„Сè почесто се покажува дека преговорите со САД и европските сили се бескорисни“, предупреди Делијани и повика на прекин на сите дипломатски контакти „сè додека Западот не ја промени својата политика“.

Тој додаде дека излегувањето од JCPOA е само почеток и дека Иран ќе преземе други чекори кои, како што изјави, „ќе ги натераат земјите што го започнаа механизмот за враќање на сила да зажалат“.