Претседателот на иранскиот Парламент изјави дека иранските научници збогатиле ураниум со концентрација од 60 отсто – највисоко ниво достигнато во нуклеарната програма на Исламската република, објави „Тајмс оф Израел”. 

Мохамед Багер Галибаф ја објави пораката на Твитер пет дена по нападот врз нуклеарната централа Натанц, за што Техеран рече дека е дело на Израел. Тој истакна дека збогатувањето почнало ноќеска. 

Израелските власти не го коментираа нападот, на што Техеран се закани дека ќе одговори. 

Иран е на прагот на збогатување ураниум од 90 отсто, што може да и овозможи на земјата да создаде атомска бомба. Досега, Исламската Република збогатуваше до 20 отсто ниво на чистота на ураниум.