Хеликоптер на иранската морнарица денес испратил строго предупредување до американскиот воен брод USS Fitzgerald (DDG-62), откако истиот се приближил до територијалните води на Иран во Оманскиот Залив, јави иранската новинска агенција Тасним.

Според иранските власти, разорувачот се приближил до зоната под надзор на Исламската Република, по што воените воздухопловни сили од Третиот поморски регион на Иран реагирале со итна интервенција. Ирански хеликоптер го прелетал бродот и му издал јасно предупредување да се повлече.

„Американскиот брод се обиде да упати закана, но по нашата интервенција, се повлече од областа“, соопштија ирански воени извори.