ИОК потврди: Првите Олимписки Еспорт игри ќе се одржат во Ријад
Во денешното официјално соопштение од Меѓународниот олимписки комитет (ИОК) беше потврдено дека првите Олимписки Еспорт игри ќе се одржат во 2027 година во главниот град на Саудиска Арабија, Ријад. Подготовките за настанот ќе започнат веќе во 2025 година и се очекува прелиминарен список на игри (дисциплини), како и условите и термините на квалификациите.
Препорачано
Во соопштението, исто така се вели дека Фондацијата за Светски еспортски куп (EWCF), организацијата зад мултимилионскиот меѓународен натпревар во Светскиот куп на еспортови, ќе стане главен партнер на Олимписките игри за еспортови.
Фондацијата за Светски еспортски куп и ИОК ќе работат заедно за да организираат циклус на квалификациски турнири и да ги усогласат националните еспортски екосистеми со пошироките глобални стандарди, со посебен акцент на поврзувањето на традиционалните и електронските спортови.
Минатата година беше потврдено дека Олимписките Еспорт игри ќе се одржуваат во Саудиска Арабија во следните 12 години (над три олимписки циклуси). Иако првото издание на настанот првично беше планирано да се одржи во 2025 година, Еспорт игрите беа одложени поради организациски и логистички предизвици, како и тешкотии во изнаоѓање соодветен финансиски модел, кој би се разликувал од традиционалните Олимписки игри.
ИОК донесе историска одлука во јули минатата година на 142-та седница на Комитетот, кога и официјално беше усвоена идејата за организирање на Олимписките Еспорт игри. За спроведување на овој проект, ИОК воспостави партнерство со Олимпискиот и параолимпискиот комитет на Саудиска Арабија (СОПЦ).
Historic moment for esports!
The first-ever Olympic Esports Games will be held in Riyadh in 2027 ??
The Road to the Olympic Esports Games kicks off this year!
More details ? https://t.co/odmhn3cVBu pic.twitter.com/oAkM4t13R5
— IOC MEDIA (@iocmedia) February 11, 2025
