Бојан Миовски не очекува голема минутажа од Мичел, но добрите настапи со репрезентацијата може да го натераат тренерот да ги преиспита работите на следниот меч. Џирона се мачи во клучниот дел од сезоната, а тренерот Мичел има тешкотии со изборот на играчи за првенствениот меч против Барселона в недела. Еден од избраните би можел да биде македонскиот репрезентативец Миовски, пишува „Естадио депортиво“.

Барса е водечка на табелата, во последните пет меча има пет победи, а Џирона е 13. од 20 тима и во последните пет меча има два порази и три реми. Во редовите на Џирона се свесни дека им претстои тежок меч, па Мичел може да се реши да ја искористи формата на Миовски од репрезентацијата.

Од досегашните 28 кола Миовски (25) на седум меча беше на клупата, а на шест меча не беше во тимот. Во одреден период тој беше повреден. Но во последните пет кола Бојан беше во составот на шпанскиот клуб, иако со ограничена минутажа.

– Перформансот на Миовски можеби не беше според очекувањата на спортските директори на Џирона, но неговите настапи со репрезентацијата сугерираат дека тој може да му даде крилја на тимот на Мичел, иако и тренерот треба да одлучи со оглед на конкуренцијата во нападот – вели медиумот.

Напаѓачот на Џирона значително се подобрува кога игра за неговата репрезентација, заклучува медиумот.

– Според тоа, во нападот, Мичел има проблем и мора да одлучи дали ќе се потпре на добрата форма на македонскиот репрезентативец, или наместо тоа, ќе се одлучи за својот друг голгетер, ветеранот Стуани – вели „Естадио депортиво“.

Бојан Миовски во Џирона дојде сезонава од шкотски Абердин каде мина две сезони.

Миовски: Навистина е жално да се прими гол во последните 10 секунди