Се чини дека наскоро уругвајскиот напаѓач Дарвин Нуњез ќе се раздели со Ливерпул. Фудбалерот имаше лоша сезона во црвениот дрес, иако клубот од „Енфилд“ триумфираше со историска 20 титула во Англија.

Нуњез беше далеку од своето вообичаено ниво и не успеа да стане клучна фигура за новиот тренер на тимот, Арне Слот. Беше користен главно како резерва, но дури и во овие случаи не успеа да ја оправда довербата што му беше укажана.

Уште во јануари се зборуваше дека би можел да го напушти тимот. Ова не се случи во зима, но сега е многу веројатно дека тој ќе тргне во поинаква насока.

За него постои интерес од Саудиска Арабија, што е доста примамливо, како за самиот играч, така и за клубот, кој би можел да заработи сериозна сума.

Во Европа, исто така, ја следат ситуацијата околу напаѓачот, а италијанскиот Наполи исто така не ги крие своите интереси за услугите на играчот.