Кошаркарот на Њу Орлеанс пеликанс, Брендон Инграм, се договори да потпише нов петгодишен договор вреден 158 милиони долари.

Инграм во 2019 година од Лос Анџелес лејкерс пристигна во Њу Орлеанс како дел од размената со која Ентони Дејвис заврши во „градот на ангелите“, и веќе во првата сезона стекна статус на прва ѕвезда на екипата.

Инграм имаше просек од 23.8 поени, 6.1 скокови и 4.2 асистенции по натпревар и за одличните игри беше „награден“ со настап на Ол стар натпреварот.

По одличната сезона, логично беше дека ќе добие максимален договор од Њу Орлеанс кој нема дилеми дека иднината на тимот ќе ја гради околу него и Зајон Вилијамсон.