За нешто повеќе од еден месец македонската фудбалска А репрезентација ќе ги продолжи квалификациите за пласман на Европското првенство 2024.

По стартниот триумф над Малта во Скопје, избраниците на селекторот Благоја Милевски својот втор меч ќе го имаат повторно на Националната арена „Тодор Проески“, а противник ќе биде Украина на 16 јуни, а три дена подоцна гостуваат на „Олд Трафорд“ против Англија.

Се следат настапите на репрезентативците, и секако нивниот здравствен билтен, оние кои се стандардни во националниот состав, а помеѓу нив и одбранбениот играч Висар Муслиу.

Нашиот дефанзивец ги брани боите на Инголштад во чиј дрес сезонава запиша 23 настапи, а последниот натпревар го имаше на 26 март.

Поради повреда на мускулот еден месец е надвор од терените, но денеска како што пренесуваат од неговиот клуб, нашиот репрезентативец им се враќа на тренинзите и би можел наскоро повторно да биде во составот на германскиот третолигаш.

#Köllner zum Personal: „Von den Langzeitverletzten kann Visar #Musliu schon wieder Teile des Trainings absolvieren. Auch Calvin #Brackelmann und Thomas #Rausch machen Fortschritte. Patrick #Schmidt hat seine Magen-Darm Erkrankung überwunden.“

— FC Ingolstadt 04 (@Schanzer) May 11, 2023