Генералниот секретар на НАТО, Марк Руте, изјави дека четворицата американски војници кои исчезнале за време на обука во Литванија загинале, но дека сè уште не ги знае деталите.

Руте за време на патувањето во Варшава рече дека добил информација за смртта на четворицата војници и дека неговите мисли се со нивните семејства и со САД.

„Ова е сè уште рана вест, така што не ги знаеме деталите. Ова е навистина страшна вест и нашите мисли се со семејствата и најблиските“, им рече Руте на новинарите во Варшава.

Во соопштението на Армијата на САД за Европа и Африка за односи со јавноста во Визбаден, Германија, се вели дека војниците во тоа време спроведувале закажана тактичка обука.

Пронајдени мртви четворица американски војници: Исчезнале за време на воена вежба во близина на Белорусија