Женската фудбалска репрезентација на Велс се соочи со незгода пред пред утрешниот натпревар со Франција од второто коло во групата „Д“ на Европското првенство, тимскиот автобус имал сообраќајна несреќа на пат кон Арената Сент Гален.

Според официјалната информација од Фудбалскиот сојуз на Велс, во инцидентот за среќа нема повредени, а брзата медицинска служба веднаш пристигнала на местото на настанот.

„Можеме да потврдиме дека автобусот во кој се наоѓаше репрезентацијата беше дел од сообраќајна несреќа на патот до стадионот каде што требаше да се одржи официјалниот тренинг пред натпреварот со Франција. Сите лица од автобусот, како и од другото возило, се без повреди“, соопштија од Сојузот.

Натпреварот против Франција е закажан за утре во 21:00 часот, а Велсво него влегува по поразот од Холандија со 3-0 во првото коло.