Политичкиот аналитичар Висар Имери го оцени како скандалозен и детски фактот што косовскиот премиер Албин Курти одбил да се сретне со албанскиот премиер Еди Рама, пренесува Газета блиц. Тој изјави и дека Рама дошол на Косово поради Берлинскиот процес, а Курти, кој бил најгласниот меѓу лидерите на Западен Балкан кога станува збор за тој процес, одбил да се сретне со него.

„Денешното однесување на Албин Курти, освен што е скандалозно, е и детско, Рама денеска дојде барем формално со друга улога, во врска со Берлинскиот процес, дојде на Косово, но не се сретна со премиерот. Средба не значи договор. Сепак, премиерот на Косово беше најгласен за берлинскиот процес, против Отворениот Балкан. Сега нема да се сретне со Рама. Кого да очекуваме од Албанија освен Рама?“, праша Имери.

Тој додаде дека оние кои го обвинуваат Рама го прават тоа затоа што во Албанија нема опозициски лидери кои можат да го оспорат. Според него, Курти се користи за политички ослабување на Рама во Албанија.

„Мислам дека фигурата на Албин Курти не треба да се користи во војната против Рама. Ова ја покажува политичката ситуација на Албанија, да се борите против Рама, немате лидер на опозицијата, треба да го земете премиерот на Косово, што ќе правиш, Аљбин Курти не можеш да го направиш премиер на Албанија“, рече Имери.