Бојана Баровиќ и Никола Роквиќ неодамна изјавија дека како и секој друг пар имаат проблеми и ситни кавги во бракот, но дека им е драго што за љубомората нема место во нивната врска.

Имено, тие се појавија на еден престижен настан во Србија, на кој ги воодушевија присутните со својот изглед. Иако е точно дека на жените им треба подолго време да се подготват за излегување, Бојана изјавила дека кај нив ситуацијата е поинаква.

– Баба обично се грижи за децата кога излегуваме иако тоа не е често. Ретко излегуваме, а треба да го правиме почесто. Кога одиме некаде, на Никола секогаш му треба повеќе време да се подготви – низ смеа рекла Бојана, на што пејачот се надоврзал:

– Не, секогаш оставам се во последен момент, но најважно е што секогаш пристигнуваме на време – додаде Роквиќ.

Иако важат за хармоничен пар, тие открија дека, како и во секоја врска, имат расправии, проблеми, а порано имале љубомора.

– Ги имаме истите проблеми како другите, но се трудиме секогаш да бидеме толерантни еден кон друг. Клучни работи за здрава врска се трудот, работата на нашиот однос и компромисот, понекогаш треба да се спуштиме себе за да му угодиме на другиот – изјавила Бојана.

Никола пак потенцираше дека немаат проблем со љубомората и дека си веруваат.

– Мојата публика е 90% женска и мило ми е поради тоа. Не сум имал непристојни понуди. Моментално телефонот ми е кај неа, но немаме проблем со љубомора, си веруваме. Ги поминавме тие пубертетски фази и игри, заедно сме 15 години – изјавил Никола.