Народната банка размислува повторно да ги одложи ратите за кредитите за граѓаните. Конечната одлука се очекува да се донесе следната недела, откако ќе се консултираат и деловните банки. Се прават анализи за состојбите со пандемијата и како таа економски ги погоди граѓаните, но и компаниите. Мораториумот истекува на 1 октомври, и ако не продолжи мерката, граѓаните што ги одложија плаќањата на кредитите, ќе почнат повторно да ги плаќаат.

„Подготвени сме соодветно да ги приспособуваме политиките и навремено да реагираме во согласност со нашите надлежности. Во тек се анализи, врз чија основа наскоро ќе се заземе став по однос на ова прашање, водејќи сметка и за потребите на граѓаните и за стабилноста на банкарскиот систем“, е ставот на НБМ.

И од Банкарската асоцијација велат дека се подготвени да излезат во пресрет на граѓаните доколку е потребно иако засега нема одлука за ново пролонгирање.