„Ало, должите рата во банка, ве молиме да си го подмирите долгот“. Тоа е најнепосакуваната реченица што може да се слушне на телефон. Граѓаните прашуваат со какво право банките ги даваат нивните податоци на трета фирма за да врши наплата. Одговорот во утринската емисија „Слободен печат“ го дава Катерина Бошевска, директорката на компанијата за наплата на долгови „ЕОС Матрикс“. Таа објаснува дека компанијата освен што опоменува за долгови, врши и откуп на побарувања од банки, финансиски друштва за брзи кредити и телекомуникациски претпријатија. Оттогаш должниците стануваат нивни клиенти. Што, во овој случај е предноста за должниците? Разговорот открива и дали се зголемува бројот на граѓаните што не можат да ги вратат позајмените пари.

Разговор со Дамјан Ристовски-ткајач на разбој и косопственик на етнопродавница кој заедно со пријателката Сара после години истражување на македонската традиција, етнологоја и учење ткаење од баба му на Дамјан, го разубавуваат Скопје со нивната етнопродавница со цел едуцирање на новите генерации и одржување на традицијата.

Овој петок, на 31 јануари е најавен бојкот на маркетите во Македонија. Оваа иницијатива доаѓа поради постојаните поскапувањата, следејќи го примерот на Хрватска. Што мислат граѓаните за овој чекор, дали ќе го испочитуваат бојкотот и нема да пазаруваат во петок, и кое би било долгорочното решение според нив, дознаваме преку следната анкета.

Гледајте „Слободен печат“ секој работен ден во 9 часот наутро.