Дејан Гаврлиловиќ од Здружението „Ефектива“ за Н1, вели дека во дел од менувачниците се појавил недостиг на евра, и дека од некаде се појавила одредена сума на динари, односно луѓе кои сакаат да купат 10-15 илјади евра во исто време. Изминативе денови дел од корисниците на српските социјални мрежи се жалат дека не можат да купат евра во износи поголеми од 200 евра во менувачници.

„Тоа трае десетина дена, јас лично го забележав, се подготвував за патување, па отидов да купам, не знам, 200-300 евра и човекот ми рече: Немам ништо. А потоа почнавме да разговараме што, како… Самите менувачи тврдат дека има недостиг од евра, дека е невообичаено за овој период од годината и дека се појавила одредена сума на динари од некаде, како што самите велат, се појавуваат луѓе кои сакаат да купат 10-15 илјади евра. Значи, не е тоа што некој сака да го купи за 30, 50, 100 евра, туку за тие поголеми суми“, објаснува Гавриловиќ.

Според него, доказ за недостигот на евра е скокот на продажниот курс кој во некои менувачници достигнува 117,5 или 117,6 динари за евро, иако до неодамна беше 117,1 или 117,2.

„Во некои менувачници, помали менувачници на периферијата на градот, луѓето велат дека оди над 118. Затоа, ова е доказ дека побарувачката за евра е зголемена и на ова реагираат и самите менувачници“, вели Гавриловиќ.