Експертите од Гинисовата книга на рекорди го прогласија глувчето женка Пат за најстариот глушец на светот во заробеништво, во Зоолошката градина во Сан Диего, каде што живее, а кое има повеќе од девет години.

Женката е стара точно девет години и повеќе од 210 дена и е ѕвезда на Зоолошката градина. Името го добила по актерот на „Ѕвездени патеки“ Патрик Стјуарт.

Пат е калифорниски џебен глушец, кој има ќесички на образите за собирање храна и има грубо крзно. Таквите глувци живеат во Мексико и САД и се сметаат за најмалиот вид на глувци во Северна Америка.

Овој вид на глушец некогаш бил распространет од Лос Анџелес јужно до долината на реката Тихуана, но популацијата опаднала по 1932 година поради човечкиот фактор.

Се сметало дека глушецот изумрел пред 20 години сè додека мали, изолирани популации не биле повторно откриени во 1994 година во Дана Поинт во округот Оринџ, но видот и натаму е загрозен.

Guinness Book of World Records Names World’s Oldest Mouse Ever https://t.co/7Wa6YCNOLP pic.twitter.com/SCRMgsSM4z

— NDTV News feed (@ndtvfeed) February 10, 2023

Алијансата за диви животни во 2012 година започнала програма за одгледување за ги спаси глувците од изумирање. Лани биле забележани 117 младенчиња родени во рекордно 31 легло. Многу глувци оваа пролет ќе бидат пуштени во дивината, се наведува во соопштението.

Новата популација на пацифички џебни глувци е населена во парк дивината Лагуна Коуст во округот Оринџ и глувците почнале да се размножуваат без човечка помош во 2017 година.