Не е тајна дека Мексиканцот Серхио Перез се соочува со потенцијално заминување од Ред Бул по за него лошата сезона која потенцијално неговиот тим ќе го чини титула во шампионатот на конструктори.

Ред Бул најверојатно ќе заврши на третото место зад Ферари и Мекларен во шампионатот за конструктори. Мекларен има 49 поени предност пред Ред Бул пред последните три трки во сезоната. Перез имаше слаби перформанси оваа сезона.

Перез исто така, падна над 200 поени зад Макс Верстапен на ранг-листата на возачи, што значи дека го прекршил актуелниот договор со Ред Бул и тимот може без консеквенци да го отпушти.

Но тоа нема да се случи. Мексиканецот има договор до 2026 година. Серхио Перез сезонава носи спонзорски пари во Ред Бул во вредност од 30 милиони долари. Негов најголем поддржувач е мексиканскиот комуникациски гигант Телмекс во сопственост на милијардерот Карлос Слим.

Телмекс му плати на Ред Бул повеќе од 150 милиони долари откако Перез се приклучи во 2021 година. Мексиканецот исто така има договори за брендовите Дизни + и Нестле.

Инаку, Серхио Перез ќе биде првиот возач во Формула 1 кој двапати ќе го чини својот тим двапати конструкторска титула. Ред Бул речиси сигурно ќе ја освои титулата кај возачите, но не и конструкторската. Ова е прилично срамен имиџ за Перез.

Досега се случило 11 пати во историјата на Ф1, шампионот кај конструкторите да не го има возачот кој ја освоил титулата.

Но, Перез би можел да стане првиот што двапати е втор возач во тимот кој ја има титутлата кај возачите, а не и кај конструкторите. Тоа беше случај и во2021 година кога шампион беше Верстапен, а шампионски тим Мерцедес.

„Ако Хамилтон освои титула со Ферари, ќе биде засекогаш непобедлив“