Нусрет Гокче, попознат како Салт Бае (Salt Bae), турски месар, готвач, забавувач и угостител, чија техника на приготвување и зачинување на месото стана интернет „меме“ во јануари 2017 година. Покрај тоа, тој е сопственик на синџирот на луксузните ресторани „Нусрет-Ет“.

Инаку, Салт Бае денес во јавноста е критикуван, па го дефинираат како „мал тиранин“, бидејќи неговите поранешни вработени ја разоткриле наводната култура на страв во неговото блескаво царство на ресторани.

Готвачот гладен за слава – познат по своите специјалитети од златни ливчиња од 1.500 евра, обвинет е за земање на бакшишот од келнерите и отпуштање на преплашените вработени поради хир. Турскиот месар стекнал богатство од 40 милиони фунти со 22 блескави месари ширум светот откако стана вирален хит на интернет.

Но, погоден од седум тужби во два града во кои го обвинуваат за земање на бакшишот, полова и расна дискриминација и кршење на законот за вработување. А, го казнил кривичниот суд во Турција откако се заканувал со убиство на келнер.

Во разговорот за „Инсајдер“ проговориле девет поранешни вработени кои со него работеле во шест ресторани.

Царството на „Салт Бае“ изгледа „златно однадвор“, но е „ужас однатре“, рекол поранешниот бармен во Нуср-Ет во Лондон. Еден менаџер којшто работел со него во Њујорк и Мајами изјавил дека Салт Бае се замислувал како интернет славна личност.

„Неговиот свет не беше ништо друго освен Инстаграм и слава. Сензација беше само тој. На крајот го доби комплексот дека е Господ“, додал тој.

Други поранешни вработени во Миконос го споредиле со диктатор. Останатите тврделе дека владее со мачо култура на стравот и дека бил склон на фаворизирање и непредвидени откази.

Бармен во Лондон го споредил работното опкружување со филмовите „Игра на гладните“ велејќи дека вработените никогаш не знаеле дали ќе добијат отказ пред крајот на смената. Домаќинка во истиот ресторан ја опишала бедата на вработените кои постојано биле во страв поради наводен отказ:

„Не знаеш дали те гледа“, изјавила таа, мислејќи на неговите очила за сонце кои му се заштитен знак.

„Многу е непријатно да се биде во негова близина“, додала таа.

Исто така кажала дека една колешка добила отказ на самото место откако случајно скршила чаша пред Салт Бае, а друг келнер не бил примен затоа што на шефот не му се допаѓала неговата кошула.

За „Инсајдер“ рекла: „Доколку нешто не му се допаѓа, нема отказен рок, ништо. Ти вели веднаш да си одиш“.

Исто така таа тврдела дека Нусрет бил бесен кога во ресторанот немало резервации, па затоа во една прилика им наредил на вработените да глумат гости кои чекаат на ред надвор пред ресторанот.

Во меѓувреме, поранешни вработени во Миконос и Дубаи тврделе дека тој од вработените барал да го масираат. Во тужбата од август 2021 година која ја поднеле пет произведувачи на месо, пишувало дека САлт Бае има агресивен стил на управување.

Тврделе дека често ги пцуел вработените и ги обвинувал за грешки. Пет мажи биле доведени од Истанбул за да готват во Менхетен, но велат дека наместо тоа биле натерани да ги чистат тоалетите, а исто така не им била платена прекувремената работа.

Адвокатот на Салт Бае  изјавил дека случајот е „пријателски решен“. Во друга тужба во Њујорк во ноември 2021 година, барменката Елизабет Круз рекла дека била понижена кога менаџерот ѝ наредил првиот ден да се пресоблече во кратко здолниште и високи потпетици, а горниот дел да го открие.

Латино-келнерот Анџело Махер тврди во својата тужба дека Салт Бае го нарекувал „шпанска кучка“ и дека месниот ресторан во Њујорк бил место за физичко заплашување и дискриминација на вработените кои не се Турци.

Исто така тврдел дека бил натеран да ги лаже купувачите дека месото е дозволено (она што се јаде во исламот), без оглед на фактот што тоа не било вистина.

Неговите тужби се во тек. Тој мора да издвои 230.000 долари со кои би можел да се спогоди со тужбите со уште четири келнери во Менхетен. Тие го обвиниле дека го криел бакшишот и ги отпуштил кога се жалеле за тоа.