Откако писателката Ешли Сент Клер, жената која тврди дека родила дете на Илон Маск, тој се огласи на Икс и напиша: „Не знам дали детето е мое или не, но не сум против да дознаам. Не ми треба судски налог. Иако не сум сигурен, на Ешли ѝ дадов 2,5 милиони долари и ѝ испраќам 500.000 долари годишно“.

I don’t know if the child is mine or not, but am not against finding out. No court order is needed.

Despite not knowing for sure, I have given Ashley $2.5M and am sending her $500k/year.

— Elon Musk (@elonmusk) March 31, 2025

Ешли за „Дејли мејл“ изјавила дека морала да го продаде својот Тесла автомобил за да може да го надокнади „намалувањето на алиментацијата на Маск за 60 отсто“.

„Илон, те замолив да го потврдиш татковството со тест уште пред да се роди нашето дете (на кое ти му го даде името), ти одби. И не ми праќаше пари мене, туку праќаше поддршка за твоето дете за кое сметаше дека е потребна… сѐ додека не го повлече најголемиот дел за да ја задржиш контролата и да ме казниш за ‘непослушност’. Но, во реалноста само го казнуваш својот син“, му рекла таа.

„Иронично е што твојот последен обид на суд беше да ме замолчиш, а во исто време користиш социјална мрежа што буквално ја поседуваш за да испратиш погрдни пораки за мене и нашето дете до целиот свет. Се работи само за контрола и сите го знаат тоа. На Америка ѝ требаш да пораснеш, ти разгалено маж-дете (man child)“, заклучила таа.

Патем, маж-дете (man child) е англиски термин кој опишува возрасен маж кој се однесува незрело, како дете. Тоа е термин што неодамна за Маск го употреби и неговата трансродова ќерка.

За потсетување, 26-годишната писателка и конзервативна активистка Ешли Сент Клер, наводната мајка на 13-тото дете на Маск, син роден пред шест месеци, поднела петиција за единствено старателство над детето во Врховниот суд во Њујорк.

Заедно со барањето за старателство, поднесена е и тужба за утврдување на татковство. Според американските медиуми, судот како доказ добил низа пораки меѓу Маск и Сент Клер. Во една од пораките, испратена пред Доналд Трамп да победи на претседателските избори, Маск ја нагласи потребата од дискреција. Во таа комуникација, тој пишува: „Секој ден добивам смртни закани. Јас сум #2 (втор) по Трамп за убиство“.