Можеби е време да му честитаме на Илон Маск.

Како што објави „Блумберг“, а пренесува „Пејџ сикс“ милијардерот наводно го добил своето трето дете со главната извршна директорка на „Neuralink“, Шивон Зилис, претходно оваа година, со што неговото потомство се искачи на бројка од 12 деца.

Веста за последната принова со Шивон Зилис доаѓа неколку недели откако „The Wall Street Journal“ објави дека Маск имал „односи кои ги преминуваат границите“ со вработени во „SpaceX“.

Ова е негово трето дете со Зилис, откако со неа доби близнаци во 2021 година. Сѐ уште не знаат името и полот на бебето.

That was a happy memory ♥️ The blur on the photo kills my eyes though. Since it’s out there anyway, here is the actual. pic.twitter.com/GxayLT1ECn

— Shivon Zilis (@shivon) September 12, 2023

Маск со години јавно зборуваше за ризиците од падот на наталитетот и рече дека ова прашање го смета за најголема закана за цивилизацијата. Тој исто така рече дека ги охрабрува своите пријатели да имаат повеќе деца. Еден ден откако „Business Insider“ објави дека добил близнаци со Зилис, тој објави на „Икс“ дека дава сѐ од себе „да помогне во кризата со недоволно население“.