По само една година, германскиот фудбалер Илкај Гундоган ја напушта Барселона и се враќа во Манчестер сити.

Играчот за врска минатото лето по седум сезони го напушти „Етихад“ и како слободен играч се пресели во Барса. Тој потпиша двегодишен договор со Каталонците, но ненадејно донесе одлука да го напушти Камп Ноу.

Се шпекулираше каде би можел да ја продолжи кариерата. Опциите беа Саудиска Арабија, Турција и САД. Сепак, Гундоган изрази желба да се врати во Сити.

Доби повик од Пеп Гвардиола, кој воодушевено го прифати предлогот на поранешниот капитен на Граѓаните, а прашање на денови е кога ќе биде официјализирана едногодишната соработка.

Остануваат уште 10 дена до крајот на преодниот рок, па многу брзо ќе дознаеме каде Гундоган ќе ја игра следната сезона.