Македонските девојчиња Илина (18) и Ева Соколовски (15) продолжуваат со големи успеси, тие освоија златен, односно сребрен медал на натпреварите по ритмичка гимнастика во Германија.

Илина дојде до златото, додека Ева до среброто на натпреварот кој се организираше во Гутерслох и обезбедија пласман во републичкиот натпревар што се одржа во Боркен, а таму Илина се закити со сребрен, а Ева со златен медал.

Таика, Илина и Ева се квалификуваа на големото финале што ќе се организира во Лајпциг во мај.

Воедно Илина на традиционалниот куп турнир во Бохум го освои златниот медал.

Но, последните информации кои доаѓаат од Германија се дека Илина викендов повторно освои злато, односно победи на традиционалнио куп турнир во Бохум.

Илина и Ева се репрезентативки на Федерација на гимнастика на Македонија, членки на гимнастичкиот клуб Партизан од Битола.

Според најавите Илина ќе ја претставува Македонија на Европскиот куп во Баку, Азербејџан, од 1 до 4 мај.