Летните олимписки игри во Париз официјално ќе започнат во петок, но во два спорта натпреварувањето ќе започне два дена порано.

Двата екипни спортови, фудбалот и рагби-7 ја отвораат програмата во среда.

Што се однесува до фудбалскиот турнир, од 15 часот ќе ги одмерат силите Аргентина и Мароко, како и Узбекистан и Шпанија.

Во Токио, Бразил во финалето ја победи Шпанија, додека бронзата им припадна на Мексиканците. Треба да се напомене дека во ова натпреварување воглавно настапуваат играчи до 21 година, засилени со тројца постари фудбалери.

Што се однесува до рагби-7, Австралија и Самоа први ќе излезат на терен од 15.30 часот. Титулата ја брани Фиџи, а во Токио пред три години втор беше Нов Зеланд, а трета Аргентина.