Она што се знаеше неколку дена, сега е официјално, Игор Тудор стана трајно решение на клупата на италијанскиот фудбалски клуб Јувентус и договорена е соработка за следните две години.

Хрватскиот стратег Тудор потпиша договор со Јувентус до 2027 година, но со опција за продолжување на договорот за уште една година.

Поранешниот играч на клубот од Торино, кој веќе беше во тренерскиот штаб предводен од Андреа Пирло, дојде на крајот од сезоната да го замени Тијаго Мота и успеа да ја постигне својата примарна цел, да го одведе тимот до четвртото место и да обезбеди место во Лигата на шампионите.

Останува надежта дека со Тудор ќе се обезбеди некаков вид стабилност, со оглед на тоа што Јувентус смени четири тренери во изминатите шест години.

🚨⚪️⚫️ Igor Tudor signs new deal at Juventus today valid until June 2027 plus option until 2028. pic.twitter.com/h23rwQm0nW

— Fabrizio Romano (@FabrizioRomano) June 12, 2025