Шведскиот интернационалец останува во клубот од „Сан Сиро“ барем до крајот на натпреварувачката сезона 2019/20, информира „Ла Република“.

И покрај конфликтот на Златан Ибрахимовиќ со извршниот директор Иван Газидис, искусниот 38-годишен напаѓач го продолжува договорот со „росонерите“ до крајот на август, а истиот истекува овој месец.

Ибра има желба да му помогне на Милан оваа сезона до неговиот последен натпревар, а исто така и „Тутоспорт” тврди дека управата на клубот, и можниот нов тренер Ралф Рангник, немаат против играчот да настапува и следната сезона за клубот.

Но, се шпекулира дека Швеѓанецот е сигурен во неговото заминување и неговата нова екипа во кариерата треба да биде Хамарби.

Постои опција Златан да остане во Италија и да потпише со Наполи, Болоња или Монца. Според „Тутомеркато”, стрелецот сака што поскоро да разговара за својата иднина со клубот, а ќе инсистира на 4 милиони годишна нето-плата во евра за повторно да потпише.