Иако грчките супермаркети продаваа јагнешко месо со загуба со надеж дека на тој начин ќе ги привлечат граѓаните да пазарат повеќе, работите не испаднаа како што се надеваа.

Извори од трговските синџири, велат дека велигденскиот пазар годинава се движел скромно, иако досега пазарењето за овој празник, по Божиќ, се сметаше за најдобро време за грчката малопродажба.

Како што велат пазарните извори, „прометот бил умерен“, а според трговците, „единствени добитници се сточарите кои годинава продаваа јагниња“.

Оваа година Велигден го празнуваа и католиците и православните. Поради намалената понуда и екстремно високата побарувачка, производната цена се крена на 9 – 10 евра за килограм. Но, поради притисокот на Министерството за развој, грчките трговци ги задржаа ланските цени на овој вид месо. Така, со очигледна загуба, нивната цена беше од 11,5 – 11,80 евра за килограм.

За да не им остане месото, дел од трговците ја спуштија цената и на 9,95 евра за килограм, но тоа не беше „мамка“ за потрошувачите за да купуваат повеќе други производи. Ова се случи бидејќи пензионерите не добија пензии – предвреме, државните службеници немаа велигденски бонус, а подарокот на вработените во приватните компании беше само половина плата.

Минатата година Велигден се совпадна со Први мај, што значи дека пензионерите беа исплатени, приватните вработени имаа на располагање плата и пол, а беа исплатени и јавните службеници, анализира То Вима.