И Шишкарев одлучи да го напушти Вардар (ФОТО)
Руското десно крило потпиша договор на две години со унгарскиот ракометен великан и ќе му биде соиграч на македонскиот репрезентативец Манасков.
Данил Шишкарев од наредната натпреварувачка сезона 2019/2020 ќе настапува за екипата на Веспрем. Денеска шампионот на Унгарија и вицепрвакот на Европа го претстави руското десно крило како ново засилување.
Препорачано
Ова значи дека Шишкарев ќе му биде нов тимски колега на македонското репрезентативно крило Дејан Манасков.
Official Announcement: Daniil Shishkarev
Read more on the link below.#RedUnited https://t.co/O2jm9xdQLa pic.twitter.com/5sXH1pH95s— VeszprémHandballTeam (@telekomveszprem) January 29, 2020
Веспрем продолжува со традицијата да носи играчи од редовите на Вардар, откако претходно дел во клубот дојдоа Давид Дејвис, Рожерио Мораеш Фереира, Вуко Борозан, кондициониот тренер Марија Лојаница, како и споменатиот Манасков.
Шишкарев ја игра петтата сезона во „црвено-црниот“ дрес, со Вардар успеа да освои две титули во Лигата на шампионите, а со екипата на Веспрем потпиша договор на две години.
Освен тоа, Веспрем објави уште еден голем трансфер, екс вардарецот Хорхе Македа ќе ги брани боите на оваа екипа од сезоната 2020/21 со договор на две години.
Official Announcement: Jorge Maqueda
Read more on the link below.#RedUnited https://t.co/PZcjZcRt4E pic.twitter.com/ZZQE4vuAcC— VeszprémHandballTeam (@telekomveszprem) January 29, 2020
Од претходно е познато дека Даинис Криштопанс, десниот бек на Вардар од наредното лето ќе биде член на ПСЖ.
Се шпекулира дека уште две имиња на крајот од сезоната ќе го напуштат актуелниот првак на Европа, Сташ Скубе се поврзува со трансфер во германскиот Хановер, а Кристиан Дисингер во португалскиот Спортинг.
