И покрај контроверзите, УЕФА не го менува судијата за финалето во ЛШ
Полскиот судија Шимон Марчињак сепак ќе дели правда во финалето од Лигата на шампионите, потврдија од Европската куќа на фудбалот (УЕФА).
Препорачано
-
1
-
2
-
3
Марчињак беше привремено сменет од функцијата главен судија за финалето во ЛШ, бидејќи учествуваше на митингот на екстремно десничарската партија „Конфедерација“, што се одржа во Катовице на 29 мај.
Веднаш стигна реакција од УЕФА, вратена му е обврската на Полјакот откако се извини поради неговото присуство на митингот. Инаку, спомената партија, организација е позната по отворените ксенофобични, хомофобични, расистички и антисемитски ставови.
– По темелно разгледување, примивме изјава од Марчињак во која го изразува своето најдлабоко извинување и појаснување за неговата вмешаност во настанот – се вели во соопштението на УЕФА.
Потсетување дека финалето во Лигата на шампионите за оваа сезона е закажано за 10 јуни кога во Истанбул, Турција, на стадионот „Ататурк“ за титулата ќе играат Интер и Манчестер сити.
