Австралискиот тенисер Ник Кирјос е елиминиран во четвртфиналето на турнирот од Мастерс серијата 1000 во Монтреал. Тој е поразен од Полјакот Хуберт Хуркач по два часа игра со 7:6,6:7,6:1.

Интересно е што Хуркач го победи Кирјос на турнир кој претставува подготовка пред стартот на УС Опен, а пред два месеци го направи истото и пред стартот на Вимблдон.

Хуркач беше подобар од Кирјос на турнирот во Хале, а потоа австралискиот тенисер стигна до финалето на Вимблдон, а со вечерашниот триумф Полјакот ја прекина серијата од девет победи по ред на Австралиецот.

Следен противник на Хуркач ќе биде подобриот од дуелот меѓу Каспер Руд – Феликс Оже Алиасим.