Енормно е загаден воздухот вечерва во Лисиче и Струмица. Според алатката за квалитет на воздухот на Министерството за живтона средина, измерени се 435 mg/m3, односно 401 mg/m3 што значи седум пати зголемување на ПМ10 честичките во воздухот од дозволеното ниво (50мг/м3).

На страницата „iQair“, Скопје се искачи на шесто место, додека Сараево е најзагаден град во светот.

Градоначалничката Данела Арсовска денеска ги оспори податоците од „IQair“ како невистинити . Упати на следење на светскиот мониторинг сервис „WAQI“ кој во реално време ги покажува податоците за нивото на загаденост во сите градови во светот.

Но, и таму, скопскиот воздух не е пријатен за дишење.

Соред овие податоци, состојбата во Струмица е најалармантна, но и бројките во скопските населби се далеку над дозволените граници.