Возило марка „Цитроен Ц3“ во движење предмалку се запали на раскрсницата пред Железничка станица во скопски Аеродром, поточно пред зградата на поранешен „Неоком“.

Како што велат нашите читатели во возилото имало две лица кои успеале навремено да излезат од автомобилот неповредени.

Очевидци за „Слободен печат“ велат дека граѓаните кои биле затекнати на местото се обиделе да помогнат и да го изгаснат пожарот со противпожарни апарати, но повикале и противпожарна екипа.

На лице место за релативно кратко време веднаш пристигнале противпожарните служби каде во моментов се уште го гаснат опожареното возило.