Загрепската полиција објави снимка од рацијата во угостителски објект во центарот на градот, кој работеше и покрај забраната на Кризниот штаб и каде пронајде 33 лица кои не носеа заштитни маски.

Според полицијата, издадени се 30 казни за прекршување на членот од Законот за заштита на граѓаните од заразни болести, но немало употреба на сила за време на акцијата во наведениот објект.

Според хрватскиот портал Индекс, утврдено е дека е распишана потерница за едно 24-годишно момче, пренесе Блиц.

Како што се додава, кај него е пронајден гасен пиштол и издадена е прекршочна наредба поради сторено прекршок од членот на Законот за набавка и поседување оружје.

Се наведува дека како дел од кривичната истрага, 45-годишниот сопственик на угостителскиот објект бил донесен во официјалните простории на загрепската полиција за кривична истрага поради сомнение дека сторил кривично дело „ширење и пренесување на заразна болест“.

Според полицијата, по завршувањето на кривичната истрага, тој ќе биде предаден на надзорникот за притвор.

Извор: Блиц.рс