Хрватскиот актер проговори за битката со алопеција: Секое будење беше агонија
Овогодинешните Оскари останаа и ќе останат запаметени по шамарот што водителот Крис Рок го доби од Вил Смит. Кога Рок се пошегува со Џејда Пинкет Смит на сметка на опаѓањето на косата, нејзиниот сопруг Вил излезе на сцената и го удри водителот.
Препорачано
Со оваа болест битка води и хрватскиот актер Асим Угљен, кој поради оскаровскиот скандал, се осврнал на алопецијата. Во таа прилика откри дека „луѓето не можат да ја разберат болеста“, и како се справува со тешката дијагноза.
View this post on Instagram
„Кој нема алопеција нема поим како тоа влијае на животот, особено на оние околу вас. За жал, јас знам“, напишал Асим на својот фејсбук-профил.
Актерот и претходно на социјалните мрежи зборувал за борбата со болеста, па лани открил дека тешко се справувал со дијагнозата.
„Пишував за мојата алопеција. Сепак, не пишував за ефектот што го имаше врз мојата психа. Лажам, напишав, но како кратко. Вистината е дека ретко што ме исфрлило од рамнотежа како алопецијата. Таа количина лутина, бес и беспомошност ретко кога сум ја почувствувал. Ја обожавам својата работа. А, идејата никогаш повеќе да не ја работам ми беше премногу страшна“, ја започнал својата објава Асим.
„А, не сакав да глумам без брада и коса, ќелав, со дупки по целата глава. Се заколнав дека никогаш повеќе нема да влезам во кадар ако не ја победам алопецијата. И се заколнав дека ќе ја пуштам мојата долга брада и долга коса и ќе ја врзам во опавче ако успеам да ја победам“, продолжил тој.
View this post on Instagram
„Бев убеден дека нема да ја победам. Секое будење беше агонија. Дали ќе се разбудам со нови дупки. И тие често беа тука, нови, наутро. Или старите се зголемиле. Галопирачка алопеција. Бев луд. Луд како бесно куче. „Гризев“ секого, од која било причина. Станував лош. Ми се гадеше од тоа, но тоа чувство на беспомошност го извлекуваше сето најлошо од мене“, рекол тој и додал дека му било само се полошо.
А, потоа се сетив што ми рече дерматологот да почнам да вежбам секој ден. Почнав да веслам. Одев три пати на ден и веслав, веслав, веслав, веслав, веслав, беше топло, ладно, дожд, снег, секири, атомска војна, јас веслав и веслав и веслав“, ја опишал својата борба со болеста.
View this post on Instagram
И откако поминаа неколку годишни времиња, а јас бев во вода секој ден, почнаа првите бели влакна. Потоа црни. Така на крајот, моите влакна стана уште погусти и поцврсти отколку што ги имав пред болеста. Што беше прилично чудно. И продолжив да веслам, бидејќи со глумата тоа е мојата најголема љубов. Се разбира, не сметајќи го моето семејство. Толку слобода никогаш не сум почувствувал никаде на друго место“, рекол тој и додал дека брзо забележал напредок.
А, се пополнија сите дупки и ја пуштив косата и брадата и денес изгледам како што изгледам. Како Тоширо Мифуне за сиромашни. Затоа што се заколнав. Денес сум 100 отсто убеден дека кајакот ме спаси. Дека комбинацијата на физички напор во ладна вода, среде природа и без луѓе во близина, освен Филип, Марта и децата ме спаси. Дека кајакот му ги врати косата и брадата и психичкиот баланс. Засекогаш понизно ќе бидам благодарен на се што ми даде и ме научи -рекол Угљен.
„Речиси не сите големи цивилизации залудно се развиле на бреговите на реките. Затоа што реката е живот. Нема подобра алегорија од тоа. И поточна. Како и животот, реката тече и тече и тече, со својот тек, со својата насока, секоја секунда се менува, никогаш не е иста токму како и животот, незапирлива е. Реката и алопецијата ме научија на понизност како ништо во животот“, заклучил актерот.
.
